03 13 20 28 33 37

Gusto kong i-share ang biglaan kong pagtaya sa lotto. Matagal ko nang iniisip na tumaya, pero dahil sa katamaran o sa paniniwalang wala namang tsansang manalo, ay hindi ako makapunta sa lotto outlet. Partida, may malapit lang sa amin.

Sa kabilang banda ay bigla akong naliwanagan sa isang realidad: Bakit ako natatakot tumaya sa mga bagay na malabo akong manalo? Hindi ba’t ilang beses akong tumaya sa mga pagkakataong maliit ang posibilidad ng tagumpay?

Nakakuha ako ng isang numero sa taya ko. 3. Favorite number ko. Good start. Mukhang mapapadalas ang pagtaya ko. Bente lang ang mawawala. Hindi pa rin masama.