July 28, 2015 noong huli akong sumulat ng Fast Post.

Ito yung part ng Aurora na sobrang random at less-edited. On-the-spot, walang photo, walang graphic design. Kung ano ang nakita ko sa paligid, yun ang mabilis kong isusulat.

Sumabay sa pagtamlay ng pagsusulat ko ang pamamahinga ng Fast Post, kahit ito ang pinakaposible kong ilagay sa Aurora. Muntik ko na siyang makalimutan hanggang sa pumunta ako sa Google Play Store at nakita ang app ng WordPress para sa smart phone. Dati, kailangan kong magbukas ng laptop para magsulat kahit ng Fast Post. Pero iba talaga ang nagagawa ng teknolohiya.

Ngayong ang Aurora ay pormal nang blog site, ibabalik ko ang Fast Post bilang bahagi ng major overhaul ko ng buong blog. Napakaraming pwedeng isulat lalo na ngayong hinaharap ng bayan ang napakaraming pagsubok. Asahang mas maraming Fast Post ang mababasa ng mga tumatangkilik sa inyong lingkod.