Ngayong Oktubre ay ang gugunitain natin ang ika-58 anibersaryo ng Philippine television, ang pagsilang ng industriya sa Asya na dito sa bansa naganap. Oktubre 23, 1953 nang unang sumahimpapawid ang mga unang mga kuha ng kamera na siyang rumerehistro sa noo’y bagong teknolohiyang lumilingon sa malawak na pag-unlad sa kanyang hinaharap.

Ngayon, bilang pagdiriwang ng Aurora Metropolis sa mahalagang petsang ito ng ating bansa ay matutunghayan ninyo ngayong buwan ang ilan sa mga di-malilimutang pangyayari sa kasaysayan ng telebisyong Pinoy. Sa apat na linggo ng Oktubre ay masasaksihan ninyo ang mga naging tagumpay, pagkalugmok, lungkot at saya ng kahong naging parte na ng ating buhay sa nalalapit nang anim na dekada na nito sa lipunang Pilipino.