Una sa lahat, nagpapasalamat ako kay Prof. Neris Gabelo (dating dalubguro ng PLM College of Mass Communication) sa pagbibigay niya ng biglaang ideya’t inspirasyon sa akin na gawin ang ganitong klaseng lathalain. Sa dalawang taon kong na-involve sa call center industry ay hindi ko naisip na humabi ng iba’t ibang mga kuwento tungkol sa itinuturing na isa sa mga pinaka-demanding na hanapbuhay sa Pilipinas.

Ngayong buwan ng Hulyo, itatampok dito sa Aurora Metropolis ang mga personal kong karanasan at mga senaryong aking nasaksihan noong ako’y sumubok sa call floor. Maaaring maka-relate ang mga kapanalig kong call center agents sa mga istorya rito at nagagalak akong ihandog sa kanila ang mga ito. Makakapagbigay din ang mga ito ng mga ideya (kaaya-aya man o medyo hindi kagandahan) sa lahat kung anong klaseng industriya ang call center, gusto man nilang magtrabaho rito sa hinaharap o magkaroon lang ng dagdag na kaalaman. Para sa inyo ito…

*soft beep* *call in* Thank you for calling Card Services. My name is Lem. How may I help you today? *smile*