Month: Mayo 2011

Ang Aking Nanay

2 mga puna

Unang una sa lahat, nagpapasalamat ako sa Maykapal na namulat ako sa mundong ito na kasama ang aking nanay. Masuwerte ako, kumpara sa ibang mga batang pinabayaan lamang ng kanilang ina para sa ibang pangangailangan at intensiyon.

Siya ang aking unang caregiver.

Siya ang aking unang chef.

Siya ang aking unang “knight in shining armor”.

Siya ang aking unang nakatabi sa aking first picture.

Siya ang aking first hug at first kiss.

Siya ang aking unang kritiko.

Siya ang aking unang fan.

Siya ang aking unang loveteam.

Siya ang aking unang girlfriend.

Siya ang tinatawag kong nanay.

Siya ang ilaw ng aking buhay.

Kahit minsan, ako’y pasaway.

Alam ko, siya lang ang magmamahal sa akin nang tunay.

Ang araw na ito ay hindi lang para sa mga inang kapiling pa ang kanilang mga anak. Para rin ito sa mga inang hindi kasama ang kanilang mga anak sa ngayon. Marahil, may ibang hindi ginustong mangyari ito. Pero alam ko, tulad ng nanay ko at ng ibang nanay, mahal na mahal nila ang kanilang mga anak at nasa puso nila ang mga ito.

Sa lahat ng mga nanay sa buong Pilipinas, to all the moms all over the world, and to our one and only, my dear Mama Mary, HAPPY MOTHERS’ DAY. MALIGAYANG ARAW NG MGA INA.

Lem Orven

8:42pm

Kahanga-hangang Video Para Sa Mga Biktima Ng Lindol Sa Japan

1 Puna

Natuklasan ko ang video na ito habang hinahalughog ang Youtube channel ni Ryan Higa o NigaHiga, isang Youtube sensation. Kahit late ko nang nakita ang video na ito, ay ninais ko pa ring i-post ito sa iba’t ibang social networking accounts ko upang panoorin at suportahan ang masasabi kong isa sa mga pinakamalikhaing fund-raising activities para matulungan ang mga biktima ng March 11 Japan earthquake na pinamagatang “Honk For Japan”.

Bawat pagnood ninyo sa video na ito ay may halaga, dahil kung makalikom ng kada 1,000,000 views ang video na ito ay magbibigay si Higa ng $600 sa Red Cross para sa mga nasalanta ng nasabing lindol.

Tulungan natin siya. Pakipindot ang icon ng Youtube sa lower right part ng video screen para direktang mapanood sa Youtube ang video. Salamat sa pagsuporta!

Lem Orven